Fjölþjóðleg arfleifð
Marel er sprotafyrirtæki sem á uppruna sinn í Háskóla Íslands en þeir vísindamenn og frumkvöðlar sem þróuðu fyrstu rafeindavogina við Raunvísindastofnun Háskóla Íslands árið 1978 gerðu sér eflaust ekki í hugarlund hvað starf þeirra mundi bera ríkulegan ávöxt.
Marel var formlega stofnað árið 1983, um það leyti sem örtölvu- og rafeindatækni var farin að umbylta vinnsluaðferðum í matvælaiðnaði. Mikil tæknivæðing hefur átt sér stað í matvælaiðnaði á undanförnum árum og það er staðföst stefna Marel að halda áfram sem endranær að skipa framvarðarsveitina í þessum ört vaxandi og spennandi iðnaði.
Eftir stefnumarkandi yfirtökur á undanförnum árum er Marel í dag alþjóðlegt fyrirtæki með starfsemi í um 30 löndum.
Við erum stolt af fjölþjóðlegri arfleifð okkar sem nær allt aftur til ársins 1932. Við eigum rætur að rekja til eftirfarandi fyrirtækja en sameining þeirra hefur skapað það fyrirtæki sem Marel er í dag:
Bandaríkin: GAMCO og TOWNSEND
Bretland: AEW, DELFORD, GAINSBOROUGH, SORTAWEIGH og THURNE
Danmörk: CARNITECH, CP FOOD, NORFO og SCANVAEGT
Frakkland: NIJAL
Holland: BAAYENS, LANGEN, MARKERT, PROTECON, STORK BRONSWERK, STORK PMT og TITAN
Ísland: MAREL og PÓLS
Singapore: DANTECH
Þýskaland: GEBA og TVM
Það felst mikill styrkur í þessum fjölbreytileika. Hann er uppspretta hugmyndaauðgi og sköpunarkrafts.
