Rannsóknir og tækniþróun
Leiðandi hátæknifyrirtæki
Marel er leiðandi hátæknifyrirtæki á sviði þróunar á hágæðavörum og lausnum fyrir matvælaiðnað um heim allan. Frá ársbyrjun 2000 hefur Marel starfrækt sérstakan rannsóknahóp undir forystu dr. Kristins Andersen.
Helsta markmið rannsóknahópsins er að auka þekkingu á nýrri tækni sem Marel getur fært sér í nyt til bæði skamms og langs tíma og þannig skotið fleiri stoðum undir tækni- og þekkingargrunn fyrirtækisins.
Þessi rannsóknavinna er viðbót við vöruþróunarstarf, sem er snar þáttur í starfsemi Marel. Rannsóknahópurinn fæst einkum við eftirfarandi:
- Að sækja ytri þróun og tækninýjungar inn í fyrirtækið.
- Að þróa nýja tækni og aðferðir til matvælavinnslu innan Marel.
- Að efla samvinnu á sviði rannsókna og þekkingar við rannsóknastofnanir, háskóla, fyrirtæki og aðra aðila.
Samstarf um rannsóknir og tækniþróun
Meðal þeirra sem Marel hefur átt samstarf við um rannsóknir og tækniþróun eru:
RANNÍS - Rannsóknamiðstöð Íslands
AVS - rannsóknasjóður í sjávarútvegi
NMÍ - Nýsköpunarmiðstöð Íslands
Matís
Háskóli Íslands
Háskólinn í Reykjavík
auk fjölda fyrirtækja, háskóla og rannsóknastofnana á Íslandi og erlendis.
Nánari upplýsingar um rannsóknir og tækniþróun veitir Kristinn Andersen (kristinn.andersen@marel.com).