Fréttir

Fjölbreytnin í framleiðslu hjá Stakkavík hefur aukist samfara stækkun fyrirtækisins og það hefur kallað eftir flóknari tækjakosti við vinnsluna. Stakkavík fjárfesti í nýrri og fullkominni vinnslulínu ásamt Innova pöntunarkerfi frá Marel.
Innova pöntunarkerfi frá Marel auðveldar alla afgreiðslu pantanna og eykur öryggið. Kerfið virkar þannig að eftir að pöntun berst er hún sett inn í tölvukerfið ásamt nauðsynlegum upplýsingum eins og til dæmis flugnúmer og kerfið gerir okkur meðal annars kleift forgangsraða pöntunum. Á snyrtilínunni eru sérstakir vinnslulyklar fyrir mismunandi afurðir og starfsmenn í pökkuninni breyta þeim til samræmis við hvaða pöntun hefur forgang hverju sinni. Þegar pöntunin kemur frá kaupanda er hún sett inn í pöntunarkerfið og pökkun getur hafist með öllum upplýsingum til frágangs og er þannig tilbúin til sendingar.

Ferlið frá því að pöntunin kemur í hús og þar til hún er tilbúinn til sendingar er allt miklu öruggara með Innova kerfinu en áður og líkur á ruglingi í sendingum hverfandi,” segir Gestur.

Nákvæmt gæðaeftirlit

,,Afköstin hafa aukist gríðarlega enda um gerólíkt vinnsluferli að ræða frá því sem áður var. Einn af kostunum við nýju línuna er að við getum fylgst nákvæmlega með afköstum og nýtingu hjá hverjum og einum starfsmanni og gert gæðaskoðun hvenær sem er. Allt eftirlit er því mikið öruggara og betra,” segir Gestur Ólafsson hjá Stakkavík um nýju vinnslulínuna frá Marel.

Gestur Ólafsson einn af eigendum Stakkavíkur ehf. í Grindavík.