Fréttir

Katrín Jakobsdóttir, Mennta- og menningarmálaráðherra, afhenti í gær verðlaun í Snilldarlausnum Marel, hugmyndasamkeppni framhaldsskólanna, fyrir árið 2011. Er þetta í þriðja sinn með keppnin er haldin í tengslum við Alþjóðlega athafnaviku sem nýsköpunar- og frumkvöðlasetrið Innovit stendur fyrir.

Marel hefur verið bakhjarl keppninnar frá upphafi. Mennta- og menningarmálaráðuneytið og Samtök atvinnulífsins veita keppninni einnig stuðning.

Í Snilldarlausnum Marel er framhaldsskólanemum falið það verkefni að gera sem mest virði úr fyrirfram ákveðnum hlut. Árið 2009 var hluturinn herðatré, í fyrra var það pappakassi en í ár var það dós sem lék aðalhlutverkið í keppninni.

Allir vinningshafar

Snilldarlausnin 2011
http://www.youtube.com/watch?v=v5dkH1II3kA
Tillaga: Náttborð
Verðlaun: 100.000 kr.
Skóli: Fjölbrautaskóli Suðurnesja
Nöfn: Guðmundur Hermann Salbergsson, Sigurður Jón Sigmundsson, Jón Gunnar Sæmunsson, Haukur Örn Harðarsson.

Frumlegasta hugmyndin
http://www.youtube.com/watch?v=pgJ2zSLNoSs
Tillaga: Þakrennuviðgerð
Verðlaun: 50.000 kr.
Skóli: Menntaskólinn í Reykjavík
Nafn: Rebekka Jenný Reynisdóttir

Flottasta myndbandið
http://www.youtube.com/watch?v=ExurJcdCCqo
Tillaga: Dósastrengur
Verðlaun: 50.000 kr.
Skóli: Verzlunarskóli Íslands
Nöfn: Haukur Kristinsson og Árni Steinn Viggósson

Líklegast til framleiðslu (aukaverðlaun sem Samtök atvinnulífsins veita)
http://www.youtube.com/watch?v=DadxR2Z91bY
Tillaga: Hleðslutækjahaldari
Verðlaun: 50.000 kr.
Skóli: Menntaskólinn á Akureyri
Nöfn: Steinar Eyþór Valsson,  Agnes Eva Þórarinsdóttir, Harpa Lind Konráðsdóttir, Kolbrún Helga Hansen, Sigrún Helga Andrésdóttir.

Stefán Þór Helgason var umsjónarmaður keppninnar en dómnefndina skipuðu Ásgeir Ásgeirsson, fulltrúi Marel, Diljá Valsdóttir, fulltrúi Innovit og Davíð Ingi Magnússon, laganemi og frumkvöðull.

Nánari upplýsingar um keppnina er að finna á www.snilldarlausnir.is.