Fréttir
Stærsti sölusamningur Marel í fiskiðnaði
 |
| Smelltu á myndina til að sjá hana stærri |
Aðstæður á vinnumarkaði og hækkandi framleiðslukostnaður í Kína hefur skapað aukna þörf fyrir sjálfvirkni í verksmiðjum þar í landi. Vöruframboð og lausnir Marel auka framleiðsluhraða, hráefnisnýtingu og -meðferð í fiskiðnaði auk þess sem Marel býður upp á hugbúnaðarlausnir til öflugri framleiðslustýringar.
Auk Marel komu íslensku fyrirtækin 3X Technology og Skaginn að því að gera þetta nýsköpunarverkefni að veruleika: “Þessar sérsniðnu flæðilínur voru hannaðar sérstaklega fyrir kínverskan markað,” segir Kristmann Kristmannsson, söluráðgjafi Marel. “Kínverski markaðurinn er að breytast, fyrirtæki sækjast í auknum mæli eftir sjálfvirkum búnaði og tækjum í stað þess að vera með mikinn mannafla í framleiðslu. Við hjá Marel erum afskaplega ánægð með árangurinn og þær lausnir sem fyrirtækið hefur þróað í þessu samstarfi.”
Sölusamningur sem þessi er til marks um þá stefnu sem Marel hefur fylgt á alþjóðlegum markaði, að leggja enn frekari áherslu á sókn á nýmörkuðum eins og Kína þar sem vöxtur er mikill. Fiskiðnaðarsetur Marel í Qingdao mun gegna lykilhlutverki við uppbyggingu á starfseminni í Kína þar sem miklu skiptir að viðskiptavinir Marel hafi aðgang að þjónustu nálægt sínu starfssvæði.
Nánar um lausnir Marel fyrir fiskiðnaðinn (á ensku)
Nánari upplýsingar:
Stella Björg Kristinsdóttir, markaðsstjóri fyrir fiskiðnað, s. 563 8205 og 825 8205.